Кіраўніцтва расійскага Першага канала сабрала больш за 48 мільёнаў расійскіх рублёў на лячэнне спявачкі Жанны Фрыске, у якой напярэдадні была выяўленая неаперабельная пухліна мозгу.
У панядзелак увечары Першы канал пры падтрымцы Русфонда абвясціў пра збор сродкаў, якія будуць накіраваны на лячэнне спявачкі. Кіраўніцтва тэлеканала таксама паабяцала пералічыць сродкі дзецям, якім дапамагае Русфонд, калі колькасць сабраных сродкаў перавысіць суму, неабходную для аказання медыцынскай дапамогі Фрыске.
«Па стане на 10 раніцы пералічана 48 млн 108 тыс. 654 рублі», — зрабілі справаздачу ў прэс-службе Першага канала.
Хвароба ў спявачкі выявілася праз некалькі месяцаў пасля нараджэння сына ў красавіку 2013 года. Цяпер Жанна Фрыске праходзіць лячэнне ў клініцы Нью-Ёрка.
Цяпер чытаюць
Аналітык Генштаба, які маляваў карту «адкуль рыхтавалася нападзенне», апынуўся ў СІЗА КДБ за працу на ўкраінскую разведку12
Каментары