Індэксацыя тарыфаў ЖКГ цяпер будзе адбывацца штоквартальна: 1 сакавіка, 1 чэрвеня, 1 верасня і 1 снежня. Гаворка ідзе пра тарыфы на цеплавую, электраэнергію і газ, якія субсідуюцца дзяржавай.
Дадзеная норма замацаваная ў Палажэнні аб парадку індэксацыі тарыфаў (цэн) на жыллёва-камунальныя паслугі для насельніцтва, якія субсідуюцца дзяржавай.
Палажэнне зацверджана Пастановай Савета Міністраў № 96 ад 5 лютага, якая ўступіла ў дзеянне пасля публікацыі на Нацыянальным прававым інтэрнэт-партале 8 лютага.
Індэкс змянення тарыфаў, якія субсідуюцца дзяржавай, на жыллёва-камунальныя паслугі для грамадзян разлічваецца Нацыянальным статкамітэтам зыходзячы з тэмпаў росту намінальнай налічанай сярэднямесячнай заработнай платы па краіне за справаздачны квартал ў параўнанні з папярэднім. Індэксацыю тарыфаў будуць прымяняць, калі дадзены індэкс за справаздачны перыяд перавышае 100%.
Такім чынам, 1 сакавіка камунальныя паслугі падаражэюць з улікам росту заробкаў беларусаў у 4-м квартале 2013 года.
У адносінах да 3-га кварталу 2013 сярэдняя зарплата павялічылася на 2,8 %. Зыходзячы з гэтых дадзеных можна выказаць здагадку, што тарыфы на жыллёва-камунальныя паслугі вырастуць, адпаведна, на 2,8 %, адзначаецца на сайце sb.by.
Савет Міністраў будзе рэгуляваць тарыфы на цеплавую і электрычную энергію, газ.
Усе астатнія (у тым ліку цэны на тэхнічнае абслугоўванне дома, водазабеспячэнне, водаадвядзенне, на карыстанне каналізацыяй і ліфтам) будуць рэгулявацца аблвыканкамамі і Мінгарвыканкам па ўзгадненні з Мінэканомікі.
-
Мацкевіч: Статкевіч маральна перамог, але мяне проста бесіць вось гэтая «маральная перамога»
-
«Няма доказаў» і «адпрацоўка блакады Калінінграда». Што пішуць афіцыйныя СМІ пра зонды і закрыццё мяжы
-
«Шары запускаюць і з аўтамабільных прычэпаў». Былы кантрабандыст тлумачыць, чаму цыгарэты ў Літву ўсё часцей перакідаюць на метэазондах
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП15
Каментары