Палітзняволены Васіль Парфянкоў этапаваны ў папраўчую калонію № 9 у Горках, паведамляе праваабарончы сайт spring96.org. Дагэтуль малады чалавек утрымліваўся ў СІЗА ў Жодзіна.
5 снежня суд Першамайскага раёна Мінска прызнаў Парфянкова вінаватым у парушэнні правілаў прэвентыўнага нагляду (арт. 421 Крымінальнага кодэкса): неаднаразовая няяўка для рэгістрацыі ў аддзяленне міліцыі, прыход дамоў пасля 20.00. Парфянкова прыгаварылі да года пазбаўлення волі ў калоніі строгага рэжыму з прымусовым лячэннем ад хранічнага алкагалізму па месцы адбыцця пакарання.
28 студзеня Мінскі гарадскі суд пакінуў прысуд першай інстанцыі ў сіле.
У 2011 годзе Парфянкоў быў асуджаны ў межах крымінальнай справы аб масавых беспарадках у Мінску 19 снежня 2010 года. Яго прыгаварылі да чатырох гадоў пазбаўлення волі ў калоніі строгага рэжыму, але ў жніўні таго ж года асуджаны выйшаў на волю на падставе ўказа прэзідэнта аб памілаванні. Пасля гэтага былы палітзняволены неаднаразова зведваў пераслед з боку ўладаў.
Пераслед Парфянкова праваабаронцы разглядаюць як помсту ўладаў і спробу націску на грамадскіх актывістаў.
-
«А Лукашэнка не ў курсе, адкуль быў напад на гэту асфальтаваную дарогу?» У вёсцы правялі велапрабег — але ўся ўвага дасталася дарозе
-
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі
-
Мінчукі ў чаце паскардзіліся на працу паліклінікі. Прапаганда абвінаваціла ў чэргах саміх наведвальнікаў
Цяпер чытаюць
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі7
Каментары