Атрымаў віламі ў жывот, але працягваў піць, пакуль не стала кепска
Застолле ў адной з вёсак Ваўкавыскага раёна скончылася кепска
Жыхар Ваўкавыска працяглы час жыў у Расіі, вярнуўшыся дахаты, ён вырашыў адзначыць прыезд. Ужыванне алкаголю расцягнулася на некалькі дзён, мяняліся месца і сабутэльнікі, пакуль мужчына не апынуўся ў вёсцы, дзе раней пражывала яго каханая.
Там ён сеў за стол з мужам яе сястры, праз нейкі час узнікла сварка. У пэўны момант гаспадар дома схапіўся за вілы, якімі прыціснуў свайго госця да зямлі.
Пасля таго як мужчыну ткнулі віламі ў жывот, ён працягваў піць ужо ў іншым месцы, дзе яму стала дрэнна. Удзельнікі застолля выклікалі хуткую дапамогу, мужчыну шпіталізавалі.
Распачата справа па ч. 1 арт. 147 Крымінальнага кодэкса (наўмыснае прычыненне цяжкага цялеснага пашкоджання).
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай82
Каментары