За два месяцы Дзяржкантроль праверыў 220 кавярняў, пры тым, што на сёньня іх у Беларусі налічваецца ўсяго 351. Парушэньні знойдзеныя абсалютна ўва ўсіх пунктах.
За два месяцы Дзяржкантроль праверыў 220 кавярняў, пры тым, што на сёньня іх у Беларусі налічваецца ўсяго 351. Парушэньні знойдзеныя абсалютна ўва ўсіх пунктах.
Вынікі праверкі паказалі, што харчаваньне на дарогах краіны далёкае ад эўрапейскааг роўню. Кавярні сканцэнтраваныя блізу гарадоў, а на некаторых прамежках трасаў іх не пабачыць сотню кілямэтраў!
Парушэньні выяўленыя даволі грубыя. Найперш гэта завышэньне коштаў — ад 5 да 90%. У стравы не дадаюць усе заяўленыя інгрыдыенты. Вага порцыяў нашмат меньшая, чым у мэню. У многіх кавярнях адсутнічаюць прыбіральні ці наогул няма вады. У кожным другім пункце харчаваньня не хапала паловы асартымэнту. Шмат хто з пэрсаналу працуе без мэдагляду. Былі выяўленыя выпадкі, калі стравы гатаваліся з пратэрмінаваных прадуктаў.
Вынікі праверкі жорсткія. 10 прадпрымальнікаў могуць пазбавіцца ліцэнзіі — іх лёс будзе вырашаць адмысловая камісія. 136 чалавек прыцягнутыя да адміністрыцыйнай адказнасьці, 28 — атрымалі вымову. З усіх вінаватых Дзяржкантроль назьбіраў штрафаў на 5 мільёнаў 200 тысяч рублёў. А 15 юрыдычных асобаў аштрафавалі разам на 93 мільёны рублёў — гэта 43 тысячы даляраў. Шэсьць прыдарожных кавярняў згодна з пастановай прыпынілі сваю дзейнасьць.
На інтэрнэт‑форумах людзі актыўна абмяркоўваць такія санкцыі Дзяржкантролю. Адныя пагаджаюцца, што прыдарожны сэрвіс у жахлівым стане, і неяк даводзіць яго да ладу трэба. Іншыя мяркуюць, што такія жорсткія меры адаб’юць у прадпрымальнікаў увогуле займацца бізнэсам харчаваньня на трасах.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3737
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары