Аргкамітэт Сацыяльнага маршу пагадзіўся з умовамі чыноўнікаў Менгарвыканкаму. Тым ня менш, ці пойдуць удзельнікі маршу на Бангалор, яшчэ не вядома.
Пра гэта паведаміў прэс‑цэнтру Хартыі’97 сябра аргкамітэта акцыі, старшыня Аб’яднанай грамадзянскай партыі Анатоль Лябедзька. Па словах палітыка, такое рашэнне сёння прыняў аргкамітэт Сацыяльнага маршу. Разам з тым, па словах Лябедзькі, арганізатары акцыі таксама маюць намер прыйсці а 12 гадзіне на Кастрычніцкую плошчу, каб правесці ўдзельнікаў акцыі да дазволенага месца збору.
Далейшы маршрут акцыі (ад Акадэміі навук), па словах лідэра АГП, пакуль не вызначаны.
«Наша задача прыцягнуць людзей, якія ніколі не хадзілі на такія мерапрыемствы, таму тут ёсць некаторае далікацтва: як сумясціць актыўнасць актыўных людзей і тых, хто да гэтага пакуль насцярожана ставіцца. Поспехам будзе, калі атрымаецца сумясціць актыўных людзей, студэнцтва, з тымі, хто ні разу не выходзіў на акцыі. Важна, каб людзі не баяліся. Таму мы вырашылі пачаць акцыю на Акадэміі навук. Але далей — кропка. Якім будзе маршрут далей, аргкамітэт сёння не прымаў рашэнне», — паведаміў Лябедзька.
Учора Менгарвыканкам не даў дазволу арганізатарам Сацыяльнага маршу на правядзенне акцыі па заяўленым маршруце. Нагадаем, заяўка на правядзенне 4 лістапада ў Менску Сацыяльнага маршу была пададзеная ў гарвыканкам 21 верасня. Арганізатары планавалі, што марш пройдзе ад Кастрычніцкай плошчы сталіцы да будынка Нацыянальнай бібліятэкі.
23 кастрычніка заяўнікі Сацыяльнага маршу сустрэліся з прадстаўнікамі Менгарвыканкама. Кіраўнік ідэалагічнага ўпраўлення сталічнай адміністрацыі Генадзь Курбека заявіў, што дазволу на заяўлены маршрут дадзена не будзе, і прапанаваў іншы маршрут — ад пляцоўкі перад прэзідыумам Нацыянальнай акадэміі навук Беларусі да плошчы Бангалор.
Цяпер чытаюць
Усе гадаюць, чаму Месяц змяніў сваё палажэнне на небе. Спыталі ў астранома, што адбываецца1
Усе гадаюць, чаму Месяц змяніў сваё палажэнне на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары