В.а. кіраўніка Украіны: Роля СБУ ў захаванні суверэнітэту вырасла як ніколі
У час, калі само існаванне Украіны як незалежнай і дэмакратычнай дзяржавы пад пагрозай, надзвычай узрастае роля Службы бяспекі як органа, які абараняе суверэнітэт краіны.
Пра гэта заявіў в.а. прэзідэнта Украіны, старшыня Вярхоўнай Рады Аляксандр Турчынаў у віншаванні з нагоды 22-годдзя Службы бяспекі Украіны.
«Сёння на долю нашай Радзімы выпалі цяжкія выпрабаванні, якія ставяць пад пагрозу само яе існаванне як незалежнай і дэмакратычнай дзяржавы. І ў гэтых няпростых умовах надзвычай узрастае роля Службы бяспекі, таго праваахоўнага органа спецыяльнага прызначэння, які стаіць на варце суверэнітэту нашай краіны», — заявіў Турчынаў.
Спікер выказаў перакананне, што прынцыповая пазіцыя кожнага супрацоўніка Службы як чалавека з пачуццём грамадзянскага абавязку і патрыятызму дазволіць Украіне пераадолець усе цяжкасці і заняць годнае месца пад мірным небам свабоднай Еўропы.
Турчынаў пажадаў асабоваму складу, супрацоўнікам і ветэранам СБУ шчасця, моцнага здароўя, паспяховай рэалізацыі адказных задач.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары