Лідар беларускіх «Зялёных»: «АГП падтрымлівае ліберальна-фашысцкую хунту ў Кіеве»
Былы прэтэндэнт у кандыдаты на пасаду прэзідэнта Беларусі Юрый Глушакоў выступіў з рэзкімі заявамі.
У Гомелі прадстаўнікі Беларускай партыі Зялёныя адзначылі Дзень Перамогі асобна ад абласной Кааліцыі дэмсілаў. Каларытная грамада з георгіеўскімі стужкамі на вопратцы і сцягамі БССР-РСФСР дыстанцыявалася ад іншых удзельнікаў апазіцыйнай акцыі.
Былы прэтэндэнт у кандыдаты на пасаду прэзідэнта Беларусі, намеснік старшыні «Зялёных» Юрый Глушакоў патлумачыў дэмарш «іншым бачаннем падзеяў ва Украіне».
— Аб'яднаная левая група выйшла святкаваць перамогу з дзейснымі лозунгамі супраць фашызму, нацыяналізму і гвалту!»
— А чаму не адзначаеце разам з Васілём Паляковым, які прадстаўляе АГП? Іх жа фашыстамі яўна не назавеш…
— Яны не фашысты, але яны падтрымліваюць ліберальна-фашыстоўскую хунту ў Кіеве. Мне падаецца, што гэта немагчыма проста адзначаць свята перамогі, якое фактычна забаронена ва Украіне, і адначасова падтрымліваць бандэраўскі фашызм.
Каментары