У Гродне 8 чэрвеня п'яны вадзіцель, які не меў права кіравання, пры затрыманні спрабаваў скончыць жыццё самазабойствам.
Як паведамілі ва ўпраўленні ДАІ УУС Гродзенскага аблвыканкама, утрыманне алкаголю ў арганізме мужчыны больш чым у сем разоў перавысіла межава дапушчальнае. Два месяцы таму за аналагічнае парушэнне ён быў пазбаўлены права кіравання і атрымаў штраф.
«Калі стаў разумець, што чакае за чарговы ўчынак (крымінальная адказнасць і канфіскацыя аўтамабіля), ён зрабіў (або зымітаваў) спробу суіцыду, — гаворыцца ў паведамленні абласной Дзяржаўтаінспекцыі.
— На просьбу паказаць дакументы адрэагаваў вельмі своеасабліва. Пацягнуўся па іх, выцягнуў з-пад сядзення сцізорык і ткнуў сабе ў вобласць сэрца.
Супрацоўнік ДАІ паспеў зрэагаваць і выбіў востры прадмет з рук, таму рана на грудзях атрымалася несур'ёзнай (укол неглыбокі, парэз нязначны)».
Затрыманы адпраўлены ў абласны клінічны цэнтр «Псіхіятрыя-наркалогія».
Цяпер чытаюць
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары