Мясніковіч спадзяецца на запатрабаванасць прадукцыі нашых домабудаўнічых камбінатаў у Расійскай Федэрацыі
Сёння з удзелам прэм'ер-міністра Міхаіла Мясніковіча ў Барысаве былі разгледжаны пытанні, звязаныя з запатрабаванасцю айчынных жыллёвых паслуг і дамоў, у тым ліку домабудаўнічых камбінатаў, у Расійскай Федэрацыі.
«Нам трэба ўжо сёння думаць не толькі аб унутраным рынку, але і сур'ёзна працаваць на экспарт, — сказаў Міхаіл Мясніковіч у час наведвання ААТ «Барысаўжылбуд». — У сувязі з гэтым урад вырашае вельмі шмат задач для таго, каб нашы кампаніі, домабудаўнічыя трэсты былі цалкам канкурэнтаздольныя пастаўляць сваю прадукцыю і паслугі на знешнія рынкі».
У прыватнасці, размова ідзе аб спрашчэнні сістэмы падаткаабкладання ДБК, што, безумоўна, таксама павышае канкурэнтаздольнасць прадукцыі і паслуг беларускіх будаўнікоў.
Сённяшнія домабудаўнічыя камбінаты — гэта ўжо не тыя банальныя «хрушчоўкі», якія часта згадваюцца не лепшым словам. «Тут прадугледжаны гібкія планіровачныя рашэнні, даволі камфортнае жыллё эканомкласа. Яно значна таннейшае і больш даступнае для нашых грамадзян, разам з тым спажывецкія якасці стандартныя або нават вышэйшыя за стандарты», - сказаў Міхаіл Мясніковіч.
Ён звярнуў увагу і на шэраг праблемных пытанняў. У прыватнасці, адна са складаных задач, якія даводзіцца вырашаць цяпер, — гэта пытанні акупнасці, своечасовага вяртання тых крэдытных сродкаў, якія былі прыцягнуты для мадэрнізацыі домабудаўнічых прадпрыемстваў.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу4
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8585
Каментары