В.а. гарадскога галавы Славянска Аляксандр Самсонаў затрыманы ў рамках крымінальнай справы па факце стварэння незаконных узброеных фарміраванняў.
Пра гэта ў аўторак паведаміў начальнік дэпартамента ўнутранай бяспекі МУС Валерый Боднар.
«Ён цяпер затрыманы і дастаўлены ў горад Ізюм (Харкаўская вобл.). Яму інкрымінуюць арт. 260 КК Украіны (стварэнне непрадугледжаных законам ваенізаваных ці ўзброеных фарміраванняў)», — сказаў Боднар.
Ён падкрэсліў, што гэта папярэдняя кваліфікацыя. У ходзе правядзення следчых дзеянняў могуць з'явіцца іншыя кваліфікацыі.
Боднар не выключыў, што дасудовае расследаванне можа быць перададзена ў пракуратуру ці СБУ.
Ён удакладніў, што падставай для пачатку крымінальнай вытворчасці сталі шматлікія скаргі жыхароў Славянска на тое, што Самсонаў супрацоўнічае з сепаратыстамі.
Як паведамлялася, у Славянску байцы спецбатальёна МУС Кіеў-1 вывелі Самсонава з залы, дзе праходзіла нарада па пытанні аднаўлення жыццядзейнасці гарадоў, вызваленых ад членаў НВФ, і звезлі яго.
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было14
Каментары