Стрэлку ў маскоўскім метро, з прычыны якой адбылася аварыя, змацоўвалі дротам. Дрот парваўся, паведамляюць расійскія СМІ са спасылкай на прэс-службу Следчага камітэта Расіі. У выніку сышоў з рэек цягнік. Прынамсі 22 чалавекі загінулі, 150 паранена.
Следчыя абвесцілі пра затрыманне двух падазраваных па справе аб аварыі.
Гэта дарожны майстар службы шляху ГУП «Маскоўскі метрапалітэн» Валерый Башкатаў і памочнік дарожнага майстра шляху Юры Гардоў. Па версіі следства, падазраваныя дапусцілі халатнасць у работах па ўкладцы стрэлачнага перавода для пуску новага ўчастка, якія пачаліся ў канцы мая 2014 года на перагоне станцый «Парк Перамогі» — «Славянскі бульвар». Затрыманыя не толькі выконвалі працы, але і кантралявалі іх.
Паводле звестак следства, стрэлачны механізм быў зафіксаваны звычайным 3-міліметровым дротам. І ён парваўся.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары