Пра тое, што ў Мінску можа з'явіцца музейны квартал, загаварылі ў 2010 годзе.
Канцэпцыя яго стварэння была адобрана кіраўніцтвам краіны. Адзіны музейны комплекс павінен аб'яднаць некалькі будынкаў Нацыянальнага мастацкага музея Рэспублікі Беларусь: вул.Кірава, 25, Леніна, 20, Леніна, 22 і К.Маркса, 24 (у нядаўнім мінулым — інтэрнат БДУ).
«Яны будуць аб'яднаны адзінай архітэктурнай стылістыкай і адзінай музейнай канцэпцыяй, — адзначыў намеснік міністра культуры Беларусі Аляксандр Яцко. — Рэканструкцыя будынкаў Кірава, 25 і К.Маркса, 24 пачнецца ўжо ў жніўні гэтага года. Наперадзе вялікі фронт работ па дэмантажы будаўнічых канструкцый, якія вычарпалі свае рэсурсы, перакладцы інжынерных сетак. Тыя музейныя фонды і службы, якія размяшчаліся ў корпусе на вуліцы Кірава, ужо пераехалі ў іншыя памяшканні.
Будынкі, якія ўтвараюць музейны квартал, будуць звязаныя пераходамі-галерэямі. Дзякуючы стварэнню адзінага комплексу, значна пашырыцца выставачная плошча Нацыянальнага мастацкага музея. Таксама плануецца ўладкаванне дэпазітарыя і рэстаўрацыйных майстэрняў, якія б адказвалі сучасным патрабаванням».
Па словах генеральнага дырэктара Нацыянальнага мастацкага музея Уладзіміра Пракапцова, рэканструкцыя будынкаў па адрасе вул. Кірава, 25 і К.Маркса, 24 не адаб'ецца на працы галоўнага корпуса музея (вул.Леніна, 20), дзе размешчаны выставачныя залы.
Нацыянальны мастацкі музей працуе ў ранейшым рэжыме, адкрыты для наведвальнікаў з 11.00 да 19.00. Выхадны — аўторак.
Цяпер чытаюць
Лукашэнка незадаволены віцэ-прэм’еркай Наталляй Пяткевіч — «буксуе»21
Каментары