У Беларусі навучальны год працягнецца з 1 верасня па 30 мая
У Беларусі заняткі ў 2014/2015 навучальным годзе пачнуцца 1 верасня і працягнуцца да 30 мая, паведаміла прэс-сакратар Міністэрства адукацыі Юлія Ваніна.
«Ліст Мінадукацыі, якім вызначаны тэрміны арганізацыі навучальнага працэсу, ужо накіраваны ў камітэт па адукацыі Мінска і ва ўпраўленні адукацыі аблвыканкамаў», — сказала яна.
Навучанне пройдзе ў наступныя тэрміны: першая чвэрць — з 1 верасня па 25 кастрычніка, другая — з 3 лістапада па 27 снежня 2014 года, трэцяя — з 12 студзеня па 21 сакавіка, чацвёртая — з 30 сакавіка па 30 мая 2015 года.
На працягу навучальнага года будуць устаноўлены канікулы: восеньскія (8 дзён) — з 26 кастрычніка па 2 лістапада, зімовыя (15 дзён) — з 28 снежня 2014 г. па 11 студзеня 2015 г уключна, вясновыя (8 дзён) — з 22 па 29 сакавіка 2015 уключна, летнія (93 дні) — з 31 мая па 31 жніўня.
Для навучэнцаў, якія завяршылі навучанне на II ступені агульнай сярэдняй адукацыі, вакацыі ўстаноўлены ў памеры 79 дзён — з 14 чэрвеня па 31 жніўня 2015 уключна.
Для навучэнцаў I-II класаў у трэцяй чвэрці (трэці тыдзень лютага) прадугледжаны дадатковыя канікулы працягласцю адзін тыдзень — з 16 па 22 лютага 2015 года.
Цяпер чытаюць
Сілавікі масава затрымліваюць удзельнікаў конкурсу гомельскага трэш-блогера14
Каментары