На праспекце Незалежнасці пусцяць аўтобусны маршрут, які будзе дубляваць «сотку»
Ён будзе хадзіць у гадзіну пік па маршруце «Аэрапорт Мінск-1» — «Плошча Перамогі».
У Мінску на праспекце Незалежнасці з'явіцца новы маршрут аўтобуса, паведамілі ў дзяржаўнай установе «Сталічны транспарт і сувязь».
З 25 жніўня з мэтай памяншэння загрузкі аўтобусаў маршруту № 100 па будных днях у часы пік арганізуецца праца аўтобуснага маршруту № 111 «Аэрапорт Мінск-1» — «Плошча Перамогі». Аўтобус будзе хадзіць па вуліцах Чкалава і Маскоўская, а таксама па праспекце Незалежнасці і выконваць усе прамежкавыя прыпынкі ў абодвух напрамках.
Акрамя гэтага ў сувязі са шматлікімі зваротамі грамадзян аб арганізацыі транспартнага абслугоўвання вул. Радужнай з 1 верасня ў якасці эксперыменту будуць унесеныя змены ў трасу аўтобуснага маршруту № 11 Дыспетчарская станцыя (ДС) «Сухарава-5» — ДС «Вяснянка» з арганізацыяй руху па прасп. Пушкіна, вул. Арлоўскай, прасп. Пераможцаў, вул. Радужнай, вул. Ціміразева ў абодвух напрамках.
Таксама з мэтай арганізацыі бесперасадачнай транспартнай сувязі на ўчастку ад пл. Бангалор да ДС «Карбышава» для праезду пасажыраў да прыгарадных аўтобусных маршрутаў з 1 верасня па ўсіх днях тыдня будзе арганізавана праца новага аўтобуснага маршруту № 133 ДС «Карбышава» — ДС «Вяснянка» з рухам па вул. Гамарніка, вул. Мірашнічэнкі, 1-м зав. Кальцова, вул. Кальцова, вул. М.Багдановіча, вул. Арлоўскай, прасп. Пераможцаў, вул. Нарачанскай у абодвух напрамках з выкананнем усіх прамежкавых прыпыначных пунктаў.
Адначасова будзе адменена праца тралейбуснага маршруту № 28 ДС «Вяснянка» — «Зялёны Луг-3» у сувязі з яго поўным дубліраваннем аўтобусным маршрутам № 133.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары