Прэм'ер-міністр Беларусі Міхаіл Мясніковіч лічыць, што Беларусь можа нарасціць аб'ёмы экспарту прадуктаў харчавання ў Расію без шкоды для ўнутранага рынку. Такое меркаванне ён выказаў журналістам у час наведвання ААТ «Крыніца».
«Мы гатовы нарасціць аб'ёмы экспарту ў Расію, і гэта не паўплывае адмоўна на ўнутраны рынак, — запэўніў прэм'ер-міністр. — Мае сцверджанні заснаваныz на балансах вытворчасці і рэалізацыі прадукцыі, якія мы склалі».
Перш за ўсё, паводле слоў Міхаіла Мясніковіча, павялічыць беларускі экспарт у Расію плануецца за кошт нарошчвання аб'ёму вытворчасці.
Кіраўнік урада адзначыў, што сёння беларускі экспарт і так мае даволі вялікую ўдзельную вагу ў імпарце Расіі. Лічбы розныя — у залежнасці ад груп тавараў. Так, напрыклад, па ялавічыне гэта 16-18 працэнтаў, па сырах — каля 40 працэнтаў.
Сыроў, як заяўляў гэтымі днямі ў Мінску кіраўнік Рассельгаснагляда Сяргей Данкверт, Беларусь магла б пастаўляць удвая больш. Шэраг айчынных сырзаводаў пацвердзілі ўжо гатоўнасць павелічэння экспарту. Дыялог па пытаннях нарошчвання аб'ёму паставак сельскагаспадарчай прадукцыі беларускай вытворчасці адбыўся таксама ў Маскве. Бакі дамовіліся выпрацаваць доўгатэрміновую стратэгію паставак.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары