У Менску затрымалі актывіста руху «За вольнае разьвіцьцё прадпрымальніцтва» Аляксандра Таўстыку. Заўтра а 9:45 адбудзецца суд.
Аляксандра Таўстыку затрымалі ў падземным горадзе на станцыі мэтро «Партызанская», калі ён раздаваў улёткі з патрабаваньнем адмены ўказу № 760, паведаміў сябра Аб’яднанай грамадзянскай партыі Віктар Калей. Сп. Таўстыку адвезьлі ў РУУС Заводзкага раёну. Разам з Таўстыкам быў затрыманы прадпрымальнік Руслан.
Заўтра а 9:45 у судзе Заводзкага раёну (пр-т Партызанскі, 75а) адбудзецца суд. Ноч прадпрымальнікі правядуць у РУУСе. Цяпер там знаходзіцца каля дзесяці чалавек — прадпрымальнікі, прадстаўнікі АГП і руху «За свабоду».
Аляксандар Таўстыка зьяўляецца адным з заяўнікаў прадпрымальніцкага мітынгу на Кастрычніцкай плошчы 10 сьнежня.
Цяпер чытаюць
За мінулы год насельніцтва Беларусі скарацілася яшчэ на 53 тысячы чалавек6
Каментары