19 жніўня адбыліся тэлефонныя размовы Аляксандра Лукашэнкі з прэзідэнтамі Расіі і Казахстана.
«Кіраўнікі дзяржаў правялі кансультацыі па пытаннях узаемаадносін з Украінай у сувязі з падпісаннем ёю Пагаднення аб асацыяцыі з Еўрапейскім саюзам, па сітуацыі ва Украіне ў цэлым і мерах па нармалізацыі становішча ў гэтай краіне», — паведамляе прэс-служба кіраўніка беларускай дзяржавы.
Раней прэс-служба беларускага кіраўніка пацвердзіла планы аб правядзенні 26 жніўня ў Мінску сустрэчы прэзідэнтаў Беларусі, Казахстана, Расіі і Украіны з удзелам прадстаўнікоў Еўрасаюза.
19 жніўня таксама адбылася тэлефонная размова Аляксандра Лукашэнкі з прэзідэнтам Украіны Пятром Парашэнкам.
«Кіраўнікі дзяржаў абмеркавалі шырокае кола пытанняў беларуска-ўкраінскіх адносін. Сур'ёзная ўвага была нададзена сітуацыі ва Украіне», - гаворыцца ў паведамленні прэс-службы беларускага кіраўніка.
Адзначаецца таксама, што рашэнне аб сустрэчы 26 жніўня прынята «па выніках кансультацый кіраўнікоў дзяржаў Мытнага саюза і Украіны, якія праходзілі на працягу апошніх некалькіх тыдняў».
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары