Н. Пяткевіч: «Жыцьцё дзяржавы павінна быць дэбюракратызаванае па ўсіх напрамках — як у адносінах паміж дзяржаўнымі ўстановамі і канкрэтнымі грамадзянамі, так і ва ўзаемадзеянні паміж самімі дзяржорганамі».
«Усе дасягненні дзяржавы ў сацыяльнай сферы могуць быць зведзены на нішто, калі чалавек вымушаны будзе безвынікова кідацца па вялікай колькасці кабінетаў, калі перад ім будуць закрываць дзверы чыноўнікі, калі ў адказ на зварот ён атрымае фармальную адпіску», — адзначыла Наталля Пяткевіч.
Паводле яе слоў, для таго каб Беларусь была сапраўднай дзяржавай для народа, неабходна, каб кожны чалавек добрасумленна выконваў работу на сваім месцы. «Таму што бюракратызм можа праяўляцца не толькі сярод чыноўнікаў. Урач, які замест таго каб лячыць чалавека, праяўляе хамства і абыякавасць, апраўдваючыся пры гэтым нізкай зарплатай, — што гэта, як не праяўленне бюракратыі?» — сказала намеснік кіраўніка прэзідэнцкай Адмінстрацыі.
Наталля Пяткевіч нагадала, што на ўдасканаленне барацьбы з бюракратызмам накіраваны ўказ прэзідэнта «Аб дадатковых мерах па рабоце са зваротамі грамадзян і юрыдычных асоб», які ўступіць у сілу з 15 студзеня будучага года. Адной з ключавых прычын з’яўлення гэтага ўказа, паводле слоў намесніка кіраўніка прэзідэнцкай Адміністрацыі, стала з’яўленне дысбалансу ў іерархіі разгляду зваротаў у дзяржорганы фізічных і юрыдычных асоб.
«Штогод ад грамадзян да прэзідэнта краіны паступае каля 30 тыс. зваротаў. Іх разгляд паказвае, што 70 працэнтаў з іх маглі быць вырашаны ніжэйстаячымі інстанцыямі. І, як пацвярджаюць праверкі, пераважная большасць скаргаў грамадзян — справядлівыя», — адзначыла Наталля Пяткевіч. У сувязі з гэтым, растлумачыла яна, указ кіраўніка дзяржавы павышае адказнасць дзяржслужачых за неапраўданы неразгляд звароту ў першай інстанцыі.
Беларус набыў кватэру ў Іспаніі, але яе занялі акупасы. Цяпер ён не можа яе вярнуць44
Каментары