Міліцыянты затрымалі некалькі ўдзельнікаў прадпрымальніцкай акцыі. Сярод іх заяўнік акцыі ‑‑ Віктар Гарбачоў, а таксама Віктар Крываль, Крысьціна Шацікава ды Віктар Калей. Быў зьбіты Анатоль Лябедзька.
Міліцыянты затрымалі некалькі ўдзельнікаў прадпрымальніцкай акцыі. Сярод іх заяўнік акцыі ‑‑ Віктар Гарбачоў, а таксама Віктар Крываль, Крысьціна Шацікава ды Віктар Калей. Затрыманыя знаходзяцца ў Цэнтральным РУУС, паведаміў адзін з заяўнікаў акцыі Аляксандар Таўстыка. На плошчы Незалежнасьці быў зьбіты лідэр Аб’яднанай грамадзянскай партыі Анатоль Лябедзька.
Сп. Лябедзька распавёў акалічнасьці сутычкі. Ён быў сьведкам затрыманьня прадпрымальнікаў, Віктара Калея і Крысьціны Шацікавай. Калі людзі пачалі бараніць сваіх, міліцыянты ўжылі сілу. Старшыні АГП у выніку разьбілі твар. Па зьвестках прадпрымальнікаў, затрыманых адвезьлі ў Цэнтральны РУУС, дзе цяпер знаходзяцца таксама затрыманыя раней Віктар Івашкевіч, Барыс Гарэцкі і яшчэ адзін малады чалавек. Супрацоўнікі РУУС кажуць прадпрымальнікам, што затрыманых да іх не прывозілі. Туды ўсё адно падцягваюцца ўдзельнікі акцыі.
Цяпер чытаюць
«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1
Каментары