Не, не тыя дворнікі, якія прыбіральшчыкі, а дворнікі на машыне. Такім пытаннем задаўся ў сябе ў Фэйсбуку Анатоль Івашчанка.
Баўгары называюць іх «чістачкі», славакі — stierače, палякі — wycieraczki, шведы — vindrutetorkare, чэхі — stěrače…
У якасці ўласнабеларускага сіноніма «дворнікаў» ягоныя сябры-аўтааматары прапанавалі, цытуем:
«1) шчоткі (мне не падабаецца, бо стылёва нейтральнае й полісемічнае, а мусіць без кантэксту расчытвацца. Усё ж хочацца нейкага аўтажарганізму накшталт кандзея, абаранка, гайца, гідрака, аўтамата і г.д.)
2) Выцірачкі (мне падабаецца яшчэ менш, бо паланізмы — не наш метад).
3. Слізгачы (во гэнае мне падабаецца куды больш, бо перадае сутнасць прыставання. «Дворнікі» ж не труць, не выціраюць, а менавіта слізгаюць).
4. Джоргалы (ад дзеяслова «джоргаць» — адрывіста, моцна церці; для беларусаў з велькім дамешкам каўказскай крыві:)))».
5. Быў прапанаваны яшчэ варыянт «лобнікі».
А як па-Вашаму, які з гэтых варыянтаў варты і які мае шанцы прыжыцца ў нашай мове?
Адказвайце ў каментах.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»8
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары