Жаночую зборную Беларусі па баскетболе зноў узначаліў Анатоль Буяльскі
Жаночую зборную Беларусі па баскетболе ў трэці раз узначаліў Анатоль Буяльскі. Рашэнне аб прызначэнні аднагалосна прыняў выканкам федэрацыі па гэтым відзе спорту 21 кастрычніка.
Як паведаміла ў сераду прэс-служба БФБ, на карысць кандыдата былі прыведзеныя наступныя аргументы: вялікі вопыт працы з нацыянальнай зборнай і дасягненне сур'ёзных вынікаў з ёй на сусветнай арэне; праца ў нацыянальным чэмпіянаце, што дазваляе на пастаяннай аснове прасочваць асноўныя тэндэнцыі развіцця жаночага баскетбола; веданне спецыфікі працы з жаночымі камандамі; валоданне сучаснымі методыкамі падрыхтоўкі баскетбалістак.
«Найбліжэйшым часам» з Буяльскім будзе заключаны доўгатэрміновы кантракт. Спецыялісту пастаўленая задача сфарміраваць склад нацыянальнай каманды і групу спецыялістаў для працы з ёй, а таксама прапрацаваць дэталёвы план падрыхтоўкі зборнай да чэмпіянату Еўропы 2015 года.
Буяльскі працаваў са зборнай у 1996—1999 і 2002—2011 гадах,
пайшоў пасля канфлікту з ранейшым кіраўніцтвам федэрацыі. Цяпер ён змяніў літоўца Рымантаса Грыгаса, пад кіраўніцтвам якога на апошнім чэмпіянаце свету ў Турцыі зборная не здолела прайсці далей за 1/8 фіналу.
-
Віцебскі футбаліст, які абразіў падчас матча камерунца, ездзіў у Смаргонь прасіць у яго прабачэння
-
Беларускі футбаліст назваў суперніка «чорным шымпанзэ». Яму пагражае дыскваліфікацыя і штраф
-
Беларускаму футбольнаму трэнеру, які прайграў 8 з 9 апошніх матчаў, плацяць у Расіі па 60 тысяч еўра на месяц
Цяпер чытаюць
Хто тыя 17‑гадовы блогер і яго 37‑гадовая нявеста, якія шыкоўна жылі на мільён, скрадзены са збору на хворае дзіця?35
Каментары