У Мінску з’явілася вуліца кадэбэшніка Федасюка, які загінуў у перастрэлцы з Андрэем Зельцарам
На тэрыторыі мінскага жылога комплексу «Паўночны бераг» з’явілася вуліца, названая імем супрацоўніка КДБ Дзмітрыя Федасюка, які загінуў у перастрэлцы з Андрэем Зельцарам. Звесткі публічнай кадастравай карты заўважыла «Люстэрка».
Адрэзак працягласцю каля двух кіламетраў, які раней паводле дакументаў значыўся як «праектаваная вуліца №35», атрымаў імя «Старшага лейтэнанта Дзмітрыя Федасюка». Калі да іншых вуліцах можна знайсці кароткае апісанне, чым вядомы чалавек, чыім імем названая вуліца, то наконт гэтай інфармацыі ў публічнай кадастравай карце пакуль няма.
Рашэнне аб прысваенні вуліцы імя «Старшага лейтэнанта Дзмітрыя Федасюка» было зацверджанае Мінскім гарадскім Саветам дэпутатаў.
Дзмітрый Федасюк з пазыўным «Нірвана» — 31‑гадовы баец спецыяльнага падраздзялення «Альфа» КДБ, загінуў 28 верасня 2021 года падчас перастрэлкі ў кватэры Андрэя Зельцара на вул. Якубоўскага ў Мінску.
Жонку Зельцара Марыю Успенскую затрымалі, абвінавацілі ў саўдзеле ў забойстве і пазней накіравалі на прымусовае лячэнне ў псіхіятрычны стацыянар. Генпракуратура прызнала дзеянні супрацоўнікаў КДБ законнымі.
Пасля трагедыі па краіне прайшла хваля затрыманняў тых, хто, на думку ўладаў, няправільна выказваўся пра гэтую сітуацыю ў сацыяльных сетках. Супраць іх заводзілі крымінальныя справы паводле арт. 130 (распальванне сацыяльнай варожасці) і арт. 369 (абраза прадстаўніка ўлады).
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза14
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары