Першы верталётаносец «Містраль», паводле папярэдніх звестак, перададуць Расіі 14 лістапада. Пра гэта паведамляе ў панядзелак 27 кастрычніка, РІА Навіны са спасылкай на словы прафсаюза верфі, дзе ідзе будаўніцтва судна.
Перададуць «Містраль» Расіі ў французскім партовым горадзе Сен-Назэрэ.
«Папярэдне цырымонія перадачы першага верталётаносца пад назвай «Уладзівасток» прызначаная на 14 лістапада гэтага года», — паведаміў суразмоўца агенцтва.
Паводле яго слоў, названая дата з'яўляецца неафіцыйнай, аднак работнікі прафсаюза займаюцца падрыхтоўкамі да цырымоніі, якая прызначаная менавіта на 14 лістапада.
У чэрвені 2011 года «Расабаронэкспарт» і французская кампанія DCNS заключылі кантракт на будаўніцтва двух верталётаносцаў тыпу «Містраль». Перадача першага з іх Расіі была намечана на восень 2014 года. У канцы верасня Францыя заявіла, што лічыць перадачу «Містраль» Расіі немагчымай.
Верталатаносец «Містраль» водазмяшчэннем 21 000 тон і максімальнай даўжынёй корпуса 210 метраў здольны развіваць хуткасць больш за 18 вузлоў. Далёкасць плавання — да 20 тысяч міль. Колькасць каманды складае 160 чалавек, дадаткова верталётаносец можа прыняць на борт 450 чалавек. Авіягрупа ўключае 16 верталётаў, з якіх шэсць можа адначасова размяшчацца на ўзлётнай палубе. Грузавая палуба можа змясціць больш за 40 танкаў або 70 аўтамашын.
Цяпер чытаюць
Хто тыя 17‑гадовы блогер і яго 37‑гадовая нявеста, якія шыкоўна жылі на мільён, скрадзены са збору на хворае дзіця?35
Каментары