Падчас аператыўных мерапрыемстваў, накіраваных на выяўленне кішэннікаў, якія працуюць у сталічнай падземцы, праваахоўнікі затрымалі двух маладых людзей.
Пра гэта паведаміла прэс-афіцэр УУС па ахове Мінскага метрапалітэна Кацярына Вяршыцкая.
«Увагу аператыўнікаў прыцягнулі ўжо знаёмыя па спецуліках двое мужчын, якія пераязджалі ад станцыі да станцыі ў розных напрамках. Праваахоўнікі вырашылі за імі паназіраць. І вынік не прымусіў сябе доўга чакаць — 35-гадовы зламыснік падчас руху цягніка ад станцыі метро «Плошча Перамогі» да станцыі «Кастрычніцкая» здзейсніў крадзеж кашалька ў пасажыркі. Выходзілі з метро кішэннікі на станцыі «Грушаўка», пры гэтым кашалёк ўжо апынуўся ў малодшага з партнёраў. Той неадкладна быў затрыманы. Яго 35-гадовы калега спрабаваў схавацца, але беспаспяхова», — сказала Кацярына Вяршыцкая.
Непрацуючыя мужчыны раней былі неаднаразова судзімыя за кішэнныя крадзяжы. У цяперашні час дзеянням зламыснікаў даецца прававая ацэнка.
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5
Каментары