Сфера дзейнасці падазраванага ў шпіянажы для Беларусі жыхара Вільні цалкам не была звязана з сакрэтнасцю, сцвярджае прадстаўнік дзяржаўнага прадпрыемства Oro navigacija Эдмундас Ганусаўскас, у якім працаваў падазраваны.
«Яго сфера дзейнасці не была звязана з сакрэтнасцю. Ён — тэхнік Энергетычнага аддзела. Яго кампетэнцыя — кабелі, сістэмы сувязі, ён выконваў, па сутнасці, абавязкі электрыка — ажыццяўляў праверкі, нагляд, рамонт, таму вельмі дзіўна, што ён мог нешта збіраць або перадаваць», — сказаў у перадачы «Актуальны час» на радыё Žinių radijas Э.Ганусаўскас.
Па дадзеных Літоўскага бюро крымінальнай паліцыі, падазраваны ў сваім кабінеце таемна фатаграфаваў дакументы і перадаваў іх у Галоўнае разведвальнае ўпраўленне Генеральнага штаба ўзброеных сілаў Беларусі. Ганусаўскас сцвярджае, што ў падазраванага нават не было кабінета.
«Перш за ўсё, у яго, як у тэхніка, не было кабінета. Дзе ён гэта рабіў, я нават там не быў — у падвале ёсць памяшканні для тэхнічных работнікаў», — сказаў ён.
Па дадзеных Літоўскага бюро крымінальнай паліцыі, падазраваны збіраў інфармацыю аб грамадзянскай і ваеннай авіяцыі. Па словах супрацоўнікаў, асобнае расследаванне пачата і ў сувязі з дзеяннямі яшчэ аднаго грамадзяніна Літвы, але яно яшчэ не скончана, таму інфармацыя не прадастаўляецца.
Ганусаускас сцвярджае, што для кампаніі Oro navigacija вестка аб падазраваным была нечаканай.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары