Ніколі нікому ў гісторыі не ўдавалася падпарадкаваць Расію, і нікому не ўдасца, заявіў прэзідэнт РФ.
«Яны не зняважыць нас хочуць, яны хочуць нас падпарадкаваць. Хочуць за наш кошт вырашаць свае праблемы, хочуць падпарадкаваць нас свайму ўплыву. Ніколі нікому гэта ў гісторыі ў дачыненні да Расеі не ўдавалася і нікому не ўдасца», — сказаў Пуцін, каментуючы выказванне аднаго з удзельнікаў «Форуму дзеянняў» Аб'яднанага народнага фронту аб тым, што ЗША жадаюць зняважыць Расію.
Аб'яднаны народны фронт — парасонавая арганізацыя прыхільнікаў Пуціна. Яна была створана, калі стала ясна, што партыя «Адзіная Расія» ў народзе непапулярная.
Пуцін таксама звінаваціў ЗША ў падпарадкаванні свайму ўплыву саюзнікаў, «ці, як у нас лаяліся мовай плаката, «сваіх сатэлітаў».
«І вось гэта атрымліваецца, бо, на жаль, многія з іх саюзнікаў у шкоду ўласным нацыянальным інтарэсам спрабуюць абараніць чужыя нацыянальныя інтарэсы па незразумелых падставах і з незразумелай перспектывай», — сказаў Пуцін.
Расія два з паловай стагоддзя была ў залежнасці ад мангольскай арды. У XVII ст. Маскву захапілі беларуска-польскія войскі, а баяры паклікалі на царства каралевіча Уладзіслава Вазу. Аднак пасля захопу Урала і Сібіры з іх прыроднымі багаццямі сфарміраваўся нацыяналістычны міф пра непераможнасць і ўнікальнасць расійскага народа.
Каментары