У Мінску яшчэ 20 чалавек трапілі ў рэанімацыю з перадозам спайсамі
«Так, усяго за некалькі дзён — з 17 па 21 лістапада — у горадзе было шпіталізавана амаль два дзясяткі чалавек, двое з якіх апынуліся ў рэанімацыі паўторна!
Я не буду сцвярджаць, што гэта скончаныя «спайсаманы» — магчыма, хто-небудзь з трапіўшых у рэанімацыю са смяротным атручваннем наогул упершыню паспрабаваў «міксы». Але нават гэтага аднаго-адзінага разу дастаткова, каб паставіць на карту ўласнае жыццё. І ў такую «рулетку» ў пераважнай большасці гуляе наша моладзь — хлопцы ва ўзросце 15-20 гадоў, генафонд нацыі. Хоць, традыцыйныя наркотыкі — тая ж бомба, праўда, запаволенага дзеяння. Для іх не так характэрныя перадазіроўкі, але фінал у любым выпадку сумны.
Пацверджанне таму — нядаўні выпадак з двума «опіумнымі» наркаманамі, якія з-за «сядзення на ігле» засталіся без печані. Вядома, больш дакладна пра гісторыю іх хваробы маглі б расказаць лекары, але гэта ўжо ніяк не дапаможа нікому з абодвух пацыентаў, якія навечна «прапісаліся» на гарадскіх могілках.
Вядома, гэта гучыць жорстка, але як нельга лепш адлюстроўвае рэальнасць…» — паведаміў начальнік упраўлення па наркакантролі і процідзеянню гандлю людзьмі ГУУС Мінгарвыканкама Канстанцін Ляшкевіч.
Па яго словах, з пачатку года толькі ў сталіцы з незаконнага абароту выключаны дзясяткі кілаграмаў розных псіхатропаў, тры чвэрці з якіх складаюць папулярныя цяпер курыльныя міксы. Спынена функцыянаванне 13 каналаў паступлення ў Мінск наркотыкаў і псіхатропаў з-за мяжы, «закрытыя» 10 наркалабараторый і 12 сайтаў, якія спецыялізаваліся на гандлі наркотыкамі.
Цяпер чытаюць
Мінская фатографка трапіла ў страшную аварыю на самакаце ў Дубаі. Яна праляжала ў коме 14 дзён5
Мінская фатографка трапіла ў страшную аварыю на самакаце ў Дубаі. Яна праляжала ў коме 14 дзён
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары