Бацька збітага 5-месячнага хлопчыка: Жонка пісала смс, што будзе здзекавацца з сына
У Следчым камітэце раскрылі падрабязнасці справы.
Следчымі быў дапытаны бацька дзіцяці. Ён расказаў, што з жонкай пабраўся сёлета ў лютым, а пазнаёміліся ў сакавіку 2013.
«Клопат і догляд аб іх сумесным дзіцяці абцяжарвалі жонку, раней яна прысылала яму смс-паведамленне аб тым, што збіраецца здзекавацца з дзіцяці. 21 лістапада ён пайшоў на працу каля 19 гадзін, вярнуўся дадому раніцай, 22 лістапада, каля 4 гадзін. Калі сыходзіў, то жонка заставалася адна з дзіцем, была цвярозай. Увечары па тэлефоне жонка тлумачыла, што распівала спіртныя напоі. Па вяртанні, ён выявіў на дзіцяці сляды пабояў ў выглядзе драпіны і гематом. Якім чынам той атрымаў цялесныя пашкоджанні, жонка яму не сказала. Ён патэлефанаваў на лінію «103» і паведаміў, што дзіця бледнае і халоднае, а жонка прасіла не выклікаць медыцынскіх работнікаў»,
— адзначылі ў Следчым камітэце.
Маці хлопчыка прызнала сваю віну. Пры праверцы паказанняў яна паказала, якім чынам збівала сына.
Сям’я на ўліку ў міліцыі не была. 20-гадовая маці мае базавую адукацыю. У 2011 і 2013 яна працягвалася да адміністацыйнай адказнасці за распіццё алкагольных напояў. Не судзімая.
«Па выніках медыцынскага агляду, у сувязі з затрыманнем, у яе выяўлена цяжарнасць ранняга тэрміну, супрацьпаказанні для змяшчэння ў ізалятар часовага ўтрымання адсутнічалі»,
— сказалі ў СК.
Нагадаем, пры аглядзе медработнікамі ў дзіцяці былі выяўлены чэрапна-мазгавая траўма, удар, ацёк і гематома галаўнога мозгу з кровазліццём, пералом пляча, што адносяцца да катэгорыі цяжкіх цялесных пашкоджанняў.
Хлопчык знаходзіцца ў бальніцы, ён жывы.
Са слоў падазраванай, перад гэтым яна піла, пакуль бацька быў на працы. Сын стаў плакаць, і яна, каб яго супакоіць,
нанесла не менш за 5 удараў далонню па твары, затым кідала яго на канапу і ложак, пасля чаго легла спаць.
У дачыненні да маці дзіцяці заведзена крымінальная справа па ч. 1 арт. 14, ч. 2 арт. 139 (замах на забойства заведама малалетняй асобы, якая знаходзіцца ў бездапаможным стане) Крымінальнага кодэкса.
Цяпер чытаюць
«Адны вераць, што вернуцца, іншыя — не». Як працуе беларуская школа ў Польшчы1
Каментары