На пачатку шостай гадзіны 11 снежня ўзнік пажар у інтэрнаце Ляхавіцкага дзяржаўнага аграрнага каледжа на вуліцы Юбілейнай райцэнтра.
Як паведаміў прэс-сакратар Брэсцкага абласнога ўпраўлення МНС Сяргей Машноў, у 5.26 у Ляхавіцкі РАНС пра пажар паведаміла вахцёр навучальнай установы. Калі ратавальнікі прыбылі да месца выкліку, гарэла ў пакоі двухпакаёвага блока на другім паверсе інтэрната, з вокнаў ішоў дым.
Падраздзяленнямі МНС па лесвічных маршах эвакуяваныя 184 чалавекі, у тым ліку 166 навучэнцаў каледжа ад 16 да 19 гадоў.
Пажар патушылі за 12 хвілін. Пацярпелых няма.
Агнём пашкоджаныя ложак, пасцельныя рэчы, закураныя сцены, столь і маёмасць у адным пакоі. Прычына пажару ўстанаўліваецца.
У блоку, дзе здарыўся пажар, жыве 21-гадовы супрацоўнік аднаго з сельгаспрадпрыемстваў раёна. Ён самастойна пакінуў пакой.
Пяціпавярховы цагляны будынак знаходзіцца на балансе Баранавіцкага дзяржаўнага ўніверсітэта, структурным падраздзяленнем якога з'яўляецца Ляхавіцкі аграрны каледж.
Максім Знак наведаў спектакль «Зэкамерон», пастаўлены па ягонай кнізе, напісанай у СІЗА4
Каментары