У пунктах абмену валюты гомельскіх банкаў 16 снежня назіраецца недахоп расійскіх рублёў. У прыватнасці, ўвечары ў раёне вакзала і цэнтра горада не было расійскай валюты ў абменніках некаторых банкаў, дзе курс продажу расійскага рубля апусціўся да 167—175 беларускіх рублёў за адзін расійскі.
У іншых банках, дзе захоўваўся крыху большы курс, расійская валюта была, але ў абмежаванай колькасці.
Вечарам, калі ў адзін з банкаў у цэнтры Гомеля з нізкім курсам продажу расійскіх рублёў паступіла вялікая сума расійскай валюты, тут з'явілася доўгая чарга.
Попыт на расійскую валюту звязваюць з тым, што многія гамяльчане і жыхары памежжа ездзяць у Расію за пакупкамі, дзе пасля падзення курсу рубля цэны на прадукты і прамысловыя тавары сталі значна ніжэйшыя за беларускія.
Акрамя таго, гамяльчане пачалі актыўна купляць у банках і долары ЗША пасля таго, як яго курс працягваў расці.
Таксама вялікія чэргі каля абменных пунктаў былі сёння ў Магілёве, другім блізкім да расійскай мяжы абласным цэнтры Беларусі.
Цяпер чытаюць
Пасля паездкі за межы ЕС таямніча знік Анатоль Котаў, былая правая рука Паўла Латушкі39
Каментары