Стыль ламберсэксуалаў стаў антытэзай стылю метрасэксуалаў — дагледжаных мужчын, якія аддаюць перавагу дарагой моднай вопратцы.
Назва «ламберсэксуал» паходзіць ад ангельскага слова «ламберджэк» (lumberjack) — дрывасек, лесаруб. Менавіта знешні выгляд паўночнаамерыканскіх (ЗША, Канада) лесарубаў: барадатых моцных мужыкоў у фланэлевых клятчастых кашулях і з сякерай у руках — лёг у аснову новага стылю.
Акрамя стылю паўночнаамерыканскага дрывасека, на выгляд ламберсэксуала паўплывала культура хіпстараў. Ламберсэксуалы насамрэч з'яўляюцца тыповымі гарадскімі жыхарамі, якія працуюць у сферы новых тэхналогій і атрымліваюць прыстойную зарплату.
Пры гэтым ламберсэксуал застаецца мужчынам рафінаваным: яго барада і прычоска дагледжаныя, ён мае вытанчаны густ і любіць хатнюю кухню. На фота Чарлі Ханэм.
Яркія прадстаўнікі гэтага стылю — амерыканскія акцёры Раян Гослінг, Джо Манганьела, французскі футбаліст Эрык Кантана, аўстраліец Х'ю Джэкман, брытанец Чарлі Ханэм.
Польшча прызнала Аляксандра Машэнскага непажаданай асобай27
Каментары