Міжнародны музычны фестываль «Новая хваля» з 2015 года будзе праводзіцца ў Сочы. Пра гэта заявіў губернатар Краснадарскага края Аляксандр Ткачоў, паведамілі ў прэс-службе краёвай адміністрацыі.
«Мы заваявалі права прымаць «Новую хвалю». І я лічу, што гэта не проста нашы маленькія перамогі. Гэта тое, чым мы будзем прыцягваць вялікую колькасць турыстаў, запаўняць гасцініцы, ствараць новыя працоўныя месцы», — сказаў Аляксандр Ткачоў.
Асноўнымі прэтэндэнтамі на правядзенне фестывалю, акрамя Сочы, былі Калінінград і Ялта.
У прэс-службе адзначылі, што да пераносу «Новай хвалі» з Юрмалы ў Расію арганізатараў падштурхнула тое, што ўлады Латвіі ў ліпені 2014 года забаранілі ўезд у краіну некалькім расейскім выканаўцам, у тым ліку Іосіфу Кабзону, Валерыі і Алегу Газманаву.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары