Вышытыя беларускія кашулі маюць пазітыўнае значэнне як праяўленне нашай самабытнасці і наўрад ці маюць сувязь з неапаганствам, піша ксёндз Кірыл Бардонаў у артыкуле на афіцыйным сайце Рымска-каталіцкага Касцёла ў Беларусі.
Аўтар разглядае сучасны рост папулярнасці вышыванак у кантэксце наяўнай культурнай і рэлігійнай сітуацыі ў Беларусі і праз гэта раскрывае адносіны хрысціянства да традыцыйнай культуры.
Касцёл існуе для людзей усіх народаў, аднак выкарыстоўвае найлепшае, што ёсць у культуры кожнага народа.
«Праз гэта культура народа становіцца больш духоўнай, а традыцыя Касцёла — больш багатай… Такім чынам Евангельская Навіна застаецца без зменаў, але становіцца блізкай да чалавека», — піша ксёндз Кірыл.
У адказ на магчымыя заўвагі наконт таго, што арнаменты вышыванак калісьці маглі мець паганскія сэнсы, аўтар адзначае, што зараз амаль няма дакладных звестак, якім было паганства на тэрыторыі сучаснай Беларусі.
Нягледзячы на пэўную моду на неапаганства, якая ўжо пачынае сціхаць, нельга лічыць, што навязванне кімсьці выключна язычніцкага разумення беларускага арнаменту з'яўляецца перашкодай да выкарыстання вышыванак.
«Культура можа быць вышытая чалавечымі рукамі, і культура можа быць хрысціянскай», — заключае ксёндз Кірыл.
Цяпер чытаюць
Калекцыю карцін Віктара Бабарыкі распрадаюць з вялікімі зніжкамі. Але без самага дарагога для яго твора5
Каментары