Падраздзяленні ўзброеных сіл Украіны правялі спецаперацыю, у выніку якой былі знішчаны самалёты і баявыя верталёты баевікоў.
Пра гэта «Украінскай праўдзе» распавёў в.а. кіраўніка прэс-цэнтра Генштаба Украіны Уладзіслаў Селязнёў.
«У зоне АТА ў выніку праведзенай спецаперацыі знішчана авіятэхніка баевікоў. Гэта тая тэхніка, якой хваліліся баевікі, якія распавядалі, што ў іх ёсць авіяцыя, якую яны планавалі выкарыстаць супраць нашых сіл, якія знаходзяцца ў раёне правядзення АТА», — сказаў Селязнёў.
Ён не ўдакладніў, дзе менавіта знаходзіцца аэрадром, адзначыўшы, што гэтая інфармацыя закрытая.
«Гэта варожая тэхніка. Мі-24 — гэта баявая тэхніка», — удакладніў ён.
Мінабароны Украіны ў сваю чаргу паведаміла, што напярэдадні, падраздзяленнямі Узброеных сіл Украіны былі знішчаныя 4 танкі, 9 баявых браніраваных машын, 4 РСЗА «Смерч», 12 РСЗА «Град», 18 адзінак аўтамабільнай тэхнікі, адзін самалёт Л-39, 2 самалёты АН 2, адзін ЯК-52, 2 самалёты ЯК-50 і 4 верталёты Мі-2.
Некалькі дзён таму расійскі тэлеканал Lifenews паказаў сюжэт пад назвай «У сіл Наваросіі з'явілася падтрымка з паветра».
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было14
Каментары