Сярод новых кадравых прызначэнняў звяртае на сябе ўвагу асоба новага намесніка старшыні Мінаблвыканкама.
Доктар Віктар Сірэнка атрымаў сумную вядомасць у ноч з 19 на 20 снежня 2010 года. Ён, тагачасны кіраўнік бальніцы хуткай дапамогі, дазволіў спецслужбоўцам вывезці з бальніцы збітага кандыдата ў прэзідэнты Уладзіміра Някляева.
Менавіта Сірэнка змяніў дыягназ Някляева. Спачатку паэту паставілі дыягназ «закрытая чэрапна-мазгавая траўма лёгкай ступені, гематомы левай арбіты, удары мяккіх тканак». Праз пару гадзін, калі кандыдата ў прэзідэнты ўжо выкралі, Сірэнка выдаў даведку, у якой дыягназ «чэрапна-мазгавая траўма» не значыўся.
Праз некалькі месяцаў доктар пайшоў на павышэнне, яго прызначылі кіраўніком камітэта па ахове здароўя Мінгарвыканкама, а з цягам часу перавялі на аналагічную пасаду ў Мінаблвыканкам.
Цяпер ён стаў намеснікам старшыні Мінаблвыканкама Сямёна Шапіры.
Сірэнка ўключаны ў спіс неўязных у Еўрасаюз, аднайменны персанаж з'явіўся ў кнізе «Былы сын» Аляксандра Філіпенкі.
* * *
Як старшыня камітэта па ахове здароўя Мінгарвыканкама Сірэнка сем хвілін круціў галавой у адказ на пытанні
Цяпер чытаюць
Чаму ўлады маўчаць пра прычыны разбурэння дома ў Гомелі і якія ёсць версіі1
Каментары