У рэспубліканскім конкурсе па гісторыі беларускім школьнікам рэкамендавалі чытаць даклад Пуціна
10 студзеня ў школах Беларусі прайшоў першы этап рэспубліканскага конкурсу па айчыннай гісторыі. Згодна з афіцыйнай фармулёўкай гэты конкурс прысвечаны «70-годдзю Перамогі СССР над фашысцкай Германіяй».
Праводзіцца ён беларускім грамадскім аб'яднаннем «Таварыства памяці воінаў і ахвяр Вялікай Айчыннай вайны» пры падтрымцы Міністэрства адукацыі Рэспублікі Беларусь.
Здавалася б, ну конкурс і конкурс, што ў ім такога. Аднак, пэўныя моманты выклікаюць здзіўленне. Так, напрыклад, пры падрыхтоўцы школьнікам «рэкамендуюць» пачытаць даклад Пуціна на Валдайскім форуме ў Сочы.
А адно з пытанняў гучыць так: «Чаму кіруючыя колы дзяржаў былых саюзнікаў СССР па разгроме фашызму, а таксама Германіі, цяпер таемна і відавочна заахвочваюць адраджэнне і дзейнасць у іншых краінах неанацысцкіх, прафашысцкіх і нацыяналістычных рухаў і арганізацый?»
Пры гэтым арганізатары конкурсу не хаваюць, што маюць на ўвазе «Амерыку, якая ладзіць аранжавыя рэвалюцыі».
«У дакладзе Пуціна раскрыта сутнасць сённяшняй заходняй геапалітыкі. І Пуцін выразна паясніў, чаму нацызм сёння рэанімуецца. У такіх краінах, як Украіна, Захад сёння робіць стаўку на прафашысцкія і ультранацыяналістычныя сілы», — нібы з экрана тэлеканала «Россія» распавёў Мікалай Папоў, член «Таварыства памяці» і кіраўнік конкурсу.
А на пытанне, чаму ў конкурсе наяўнасць былых саюзнікаў, якія «падтрымліваюць фашызм», падаецца як аксіёма, Папоў адказаў так:
«Гэта факт сённяшняй геапалітыкі! Таму мы і сцвярджаем гэта! — ад наіўнасці пытання ён нават засмяяўся. — Злучаныя Штаты безумоўна падтрымліваюць адраджэнне неанацысцкіх арганізацый. З якой мэтай? Рабіць аранжавыя рэвалюцыі! Навошта? Гэта трэба Абаму спытаць, навошта ён іх робіць!».
Рыхтавалі пытанні да конкурсу ў «Таварыстве памяці», сказаў Папоў. Але з Мінадукацыі ўсё ўзгаднялі. Пытанняў не ўзнікла. Цікава, што сярод мэтаў конкурсу ўказваюцца «ўмацаванне нацыянальнай традыцыі узаемадапамогі і дружбы з іншымі народамі».
-
«Сёння мы жывем у культурным грамадстве». Чаму гаспадар незвычайнай крамы самаабслугоўвання на Палессі не баіцца крадзяжоў
-
Улады запэўніваюць, што паўторнага апоўзня ў віцебскім Вярхоўі не будзе
-
«Забіць яго ці адрэзаць яму яйкі я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе
Цяпер чытаюць
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе36
Каментары