Гродна стаў пабрацімам расійскага Тамбова, паведамілі ў аддзеле ідэалагічнай работы, культуры і па справах моладзі Гродзенскага гарвыканкама.
Дагавор аб устанаўленні пабрацімскіх сувязей падпісаны на мінулым тыдні ў час візіту ў Тамбоў дэлегацыі кіраўніцтва Гродзенскага гарвыканкама. Мэр Гродна Мечыслаў Гой і кіраўнік горада Тамбова Аляксей Кандрацьеў падпісалі таксама пратакол рэалізацыі дагавора на працягу 2015-2016 гадоў.
Устанаўленне пабрацімскіх адносін абодва бакі разглядаюць як аснову для плённага супрацоўніцтва ў гандлёва-эканамічнай, гуманітарнай сферах. Дакумент прадугледжвае развіццё гандлёвага і эканамічнага ўзаемадзеяння, супрацоўніцтва ў сферы камунальнай гаспадаркі, узаемадзеяння па пытаннях навукова-тэхнічнага характару, а таксама ў галіне турызму, фізічнай культуры, адукацыі, аховы здароўя і культуры.
У Тамбове адбылася сустрэча гродзенскай дэлегацыі з кіраўніцтвам мясцовай адміністрацыі. Гродзенцы азнаёміліся з патэнцыялам расійскага абласнога цэнтра, правялі прэзентацыю свайго бізнес-патэнцыялу ў Тамбоўскай абласной гандлёва-прамысловай палаце.
Запланаваны візіт у адказ дэлегацыі Тамбова ў Гродна (у першай палавіне мая бягучага года), да якога бакі падрыхтуюць канкрэтныя прапановы па супрацоўніцтве.
Гродна мае пабрацімскія сувязі з 12 гарадамі або гарадскімі акругамі, управамі (з іх 6 у Расійскай Федэрацыі). Яшчэ з чатырма гарадамі, у тым ліку расійскай Волагдай, заключаны дагаворы аб супрацоўніцтве. Гродна таксама з'яўляецца членам Міжнароднай асамблеі сталіц і буйных гарадоў, падтрымлівае дружалюбныя сувязі з горадам Калінінградам (Расійская Федэрацыя), Саюзам балтыйскіх гарадоў, польскім горадам Сувалкі і інш.
Лукашэнка: Мы гатовыя заключыць вялікую здзелку з ЗША70
Каментары