Вялікая Шанхайская агламерацыя дасягнула насельніцтва ў 100 млн чалавек.
У дэльце Янцзы размешчаны мегаполіс Шанхай з насельніцтвам у 24 млн чалавек, 8-мільённыя Нантынь і Ханчжоў ды два дзясяткі гарадоў з насельніцтвам звыш 3 млн чалавек. Агулам насельніцтва рэгіёну памерам 200 на 300 км дасягнула 100 млн, распавядаюць «Ведомости».
Рэгіён стаў эканамічнай сталіцай Кітая, яго сумарны ВУП перавысіў 1 трлн даляраў (гэта ўсё роўна менш за Нью-Ёрк) альбо 20% ВУП Кітая.
Мясцовых жыхароў адрознівае высокая нават па кітайскіх мерках працавітасць і «прадпрымальніцкая жылка». Гэта можна патлумачыць традыцыяй вырошчвання рысу, што патрабуе ўважлівага дагляду — рабскі труд не паказвае эфектыўнасці, прыходзіцца пераходзіць да ўсё больш прагрэсіўных спосабаў вядзення гаспадаркі. Эканамічныя рэформы Кітая апошніх 40 год зрабілі Шанхай асабліва прывабным для бізнесу.
Развіццё не спыняецца і сёння. Напрыклад, на транспартную сетку выдаткоўваюцца шалёныя грошы: звышхуткасная чыгунка між Шанхаем, Нантынь і Ханджоў каштавала 100 млрд даляраў.
Але гарады рэгіёну сутыкаюцца і з цяжкімі праблемамі. Найвялікшая з іх — экалогія. Многія кітайскія гарады задыхаюцца ад смогу. Уводзяцца нават абмежаванні на ўезд аўтамабіляў у буйныя гарады па нумарных знаках у пэўныя дні тыдня. Сусветны фонд дзікай прыроды называе дэльту Янцзы найбуйнейшай крыніцай забруджання Ціхага акіяну.
-
Тандэм прэзідэнта Францыі і яго прэм'ер-міністра стаў самым непапулярным у сучаснай гісторыі краіны
-
У Літве стабальнікаў прэміруюць немалымі грашыма. А іх настаўнікаў — яшчэ большымі. Але сёлета сістэма ледзь не зламалася
-
Аліеў параіў Украіне не згаджацца на акупацыю. Z-каналы заклікаюць рыхтавацца да вайны з Азербайджанам
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў9
Каментары