Сёння на скрыжаванні вуліц Ясеніна і Рафіева прыкладна ў 17:15 адбылося ДТЗ з удзелам двух аўтамабіляў — «Опель Вектра» і «Опель Астра», паведаміла старшы інспектар па агітацыі і прапагандзе аддзела ДАІ Маскоўскага РАУС Любоў Трапашка.
«32-гадовы кіроўца «Опель Вектра» рухаўся па вуліцы Ясеніна з боку вуліцы Слабадской у напрамку Рафіева. Другі кіроўца (39 гадоў) рухаўся яму насустрач па вуліцы Ясеніна з боку Громава», — распавяла Любоў Трапашка.
На скрыжаванні «Опель Вектра» паспрабаваў развярнуцца, аднак другі аўтамабіль, працягваючы ехаць уперад, не змог пазбегнуць сутыкнення. Ад удару «Опель Астра» выкінула на тратуар, дзе аўтамабіль здзейсніў наезд на мужчыну 1980 года нараджэння, жанчыну 1951 года нараджэння, якая была з пяцігадовай унучкай.
У выніку мужчына атрымаў чэрапна-мазгавую траўму сярэдняй ступені цяжкасці і закрыты пералом левай нагі. Жанчына атрымала пералом галенастопа, а дзіця, папярэдне, удар ногі.
Па факце ДТЗ праводзіцца праверка.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары