2 сакавіка падчас аператыўна-вышуковых мерапрыемстваў супрацоўнікамі мінскага наркакантролю за незаконныя дзеянні з наркатычнымі сродкамі затрыманы 27-гадовы беспрацоўны жыхар сталіцы.
Як паведамляе ГУУС Мінгарвыканкама, сваё жыллё па вуліцы Нікіціна затрыманы прыстасаваў для вырошчвання і збыту раслін з утрыманнем наркатычных рэчываў. У выніку агляду кватэры знойдзена прыблізна 6 г высушаных пладовых цел грыбоў, якія маюць у сваім складзе псілацын і псілацыбін. Акрамя таго, аператыўнікі выявілі 10 кустоў каноплі, а таксама прыблізна адзін грам высушанай марыхуаны.
Для вырошчвання наркатычных раслін у жыллі было неабходнае тэхнічнае абсталяванне. Міліцыянеры канфіскавалі пяць кулераў, пяць лямпаў напальвання, тэрмометр, таймер, пульверызатар, падаўжальнікі, рулон фальгаванай паперы, угнаенні і грунт.
У дачыненні да затрыманага распачата крымінальная справа. Ён змешчаны ў ізалятар часовага ўтрымання. Праводзіцца расследаванне.
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай15
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары