Старшыня партыі БНФ Аляксей Янукевіч, які з'яўляецца адным з арганізатараў дэманстрацыі на Дзень Волі, патлумачыў «НН», што ў гэтым годзе плануецца зрабіць акцэнт на моладзь, бо менавіта студэнты змогуць масава прысутнічаць падчас акцыі, якую Мінгарвыканкам сёлета дазволіў у 15:00 у сераду 25 сакавіка.
«Будзем заклікаць людзей прыходзіць. Вядома, гэта будзе складана для тых, хто працуе. Але моладзь, студэнты звычайна заканчваюць вучыцца ў гэты час, таму мы звяртаемся да студэнтаў з асаблівым заклікам», — паведаміў Янукевіч.
Старшыня БНФ не выключае, што, каб пазбавіць студэнтаў магчымасці ўдзелу ў Дні Волі, адміністрацыі навучальных устаноў могуць тэрмінова зладзіць нейкія заняткі ці задзейнічаць іншыя метады. Аднак Янукевіч лічыць, што дзеля ўдзелу ў акцыі можна прапусціць заняткі.
«Сачкаваць» пары кепска, але дзеля такой справы можна», — сказаў Янукевіч.
Пры гэтым Янукевіч спадзяецца, што Дзень Волі ў 2015 годзе збярэ дастаткова ўдзельнікаў:
«У мінулым годзе акцыя на Дзень Волі была самай масавай з часу прэзідэнцкіх выбараў 2010 году. Людзі адрэагавалі на сітуацыю ў рэгіёне і прыйшлі, бо адной з тэмаў была заяўленая салідарнасць з Украінай. У гэтым годзе гэтыя тэмы таксама будуць ключавымі, таму мы разлічваем, што прыйдуць людзі, хоць для некаторых гэта будзе складана. Мы разлічваем, што людзей будзе не менш,чым у мінулым годзе».
Арганізатары дэманстрацыі планавалі прызначыць пачатак збору удзельнікаў на 17:00, правесці дэманстрацыю з 18:00 да 19:15, а да 20:00 зладзіць мітынг. Аднак Мінгарвыканкам перанёс акцыю на 2 гадзіны раней.
«Вядома, перанос акцыі на ранейшы час — свядомае рашэнне. Аднак у Мінгарвыканкаме патлумачылі, што перанеслі святкаванне Дня Волі на такі ранні час, каб мітынг праводзіўся падчас светлавога дня, а не ў цемры. Таксама нам сказалі, што заяўлены намі час супадае з гадзінай пік, і, хоць рух не перакрываецца, гэта стварае нязручнасці для гараджан. Сказалі, у мінулым годзе паступала шмат скаргаў», — расказаў Янукевіч.
-
Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары