Латвія: Нелегальныя цыгарэты з Беларусі – праблема для ўсёй Еўропы
З улікам інтэнсіўнасці патоку нелегальных цыгарэт з Беларусі Служба дзяржаўных даходаў (СДД) Латвіі падтрымлівае ўзмацненне літоўскімі калегамі кантролю на межах з Латвіяй і Польшчай, бо нелегальныя цыгарэты беларускага паходжання ў апошнія гады сталі праблемай усяго ЕС.
Каментуючы інфармацыю, якая з'явілася ў СМІ, аб тым, што літоўская мытня ўзмацняе кантроль на латвійскай мяжы з-за патоку нелегальных цыгарэт, СДД адзначае, што паводле даследавання Nilsen Company аб абароце цыгарэт у Латвіі 69% агульнага спажывання нелегальных цыгарэт у краіне складаюць менавіта беларускія цыгарэты.
Своечасова рэагуючы на гэтую тэндэнцыю, Латвія яшчэ некалькі гадоў таму ўзмацніла меры па кантролі на латвійска-беларускай мяжы. У выніку Латвія ўвайшла ў лік пяці краін, дзе за апошнія васямнаццаць месяцаў назіраецца стабільнае зніжэнне незаконнага спажывання цыгарэт на 1,8%.
Раней аўдытарская кампанія KPMG заявіла, што ў перыяд з 2009 па 2013 маштаб распаўсюджвання нелегальных беларускіх цыгарэт узрос з трох да адзінаццаці краін. Распаўсюджванне нелегальных беларускіх цыгарэт у Еўропе ў такім шырокім маштабе кажа пра тое, што іх ужо нельга разглядаць як праблему асобных краін.
На латвійскай мяжы ў 2014 годзе было канфіскавана 73 млн цыгарэт, і большасць былі з беларускімі акцызнымі маркамі. Іх спрабавалі завезці ў Латвію па чыгунцы, на грузавых і легкавых аўтамабілях, пераправіць праз «зялёную» мяжу і на плытах праз Дзвіну.
-
Лукашэнка заявіў пра патрэбу паляпшэння адносін з Захадам «для разбору завалаў», якія «перашкаджаюць нашай працы на сусветных рынках»
-
У Мінску хочуць назваць вуліцу імем кадэбіста «Нірваны» Федасюка, які загінуў у перастрэлцы ў кватэры Зельцара
-
У Беларусі смяротнасць амаль удвая перавысіла нараджальнасць
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай15
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары