У гэтыя дні надзвычай прыгожае і кранальнае шоу Quidam («Нехта» — на лаціне) сусветнавядомага Cirque du Soleil збірае поўныя залы Мінск-Арэны.
Гэта фотарэпартаж з-за куліс — спроба паказаць, колькі сіл і сродкаў укладаецца у прыгажосць, якая потым бярэ ў палон мільёны гледачоў.
Як паведаміла PR-дырэктарка Cirque du Soleil Кацярына Бюшгенс, на сёння існуе 18 шоу гэтага цырку, якія гастралююць па ўсім свеце.
Артыстаў для іх, а гэта спартоўцы, спевакі, клоуны, шукае спецыяльная каманда скаўтаў, якая адбірае найлепшых з найлепшых у сваіх кірунках. База звестак утрымлівае 80 тыс. кандыдатаў.
Для кагосьці дарога ў цырк можа стацца хуткай і кароткай, а нехта чакае сваей зорнай гадзіны гадамі.
Цікава, што калі кандыдат становіцца работнікам цырку, з яго здымаюць 300 мерак самых розных параметраў, каб пашыць ідэальныя касцюмы, ў якіх ён будзе удзельнічаць у прадстаўленні.
Касцюмы шыюцца ў Манрэалі, але нешта дарабляецца і падчас паездак.
З шоу, якое глядзяць мінчане, па свеце вандруюць дзве з паловай тысячы элементаў адзення, і касцюмеры забяспечваюць належны стан і парадак у гэтай вялікай і прыгожай гаспадарцы.
Гэтым разам у Мінск прыехала каманда цырку ў 90 чалавек, палова з якіх — артысты.
Цяпер чытаюць
Пасля паездкі за межы ЕС таямніча знік Анатоль Котаў, былая правая рука Паўла Латушкі3
Каментары