Чатыры перамогі ў пяці апошніх матчах атрымалі баскетбалісты клуба «Цмокі-Мінск» у Адзінай лізе ВТБ. 9 красавіка беларускі клуб выйграў на сваёй пляцоўцы ў талінскага «Калева» — 89:88 (22:12, 23:21, 18:20, 26:35).
Ачкі ў складзе гаспадароў набіралі Рашон Фрымэн (21), Аляксандр Кудраўцаў (17), Іван Мараш (15), Джасцін Грэй (14), Павел Ульянка (9), Мікіта Мешчаракоў (7) і Бранка Міркавіч (6).
Пасля 26 гульняў «Цмокі» з сямю перамогамі і 19 паражэннямі займаюць перадапошняе 15-е месца ў лізе (розніца ачкоў 2.036-2.298). Наступны матч каманда правядзе 11 красавіка на сваёй пляцоўцы супраць маскоўскага ЦСКА.
Каментары