Аляксандр Лукашэнка сёння ў час сустрэчы з прафесарска-выкладчыцкім складам і студэнтамі Белдзяржуніверсітэта фізкультуры падзяліўся сакрэтамі добрай фізічнай формы.
president.gov.by
Кіраўнік дзяржавы, адказваючы на пытанні студэнтаў, як удаецца падтрымліваць сябе ў добрай форме, прызнаўся, што дзве гадзіны ў дзень прысвячае спорту.
«Як бы ні было складана, нават у камандзіроўках», — сказаў ён.
«Спорт — гэта частка майго жыцця. Не было б спорту — не змог бы працаваць, вытрымліваць такія нагрузкі», — сказаў Аляксандр Лукашэнка. Ён адзначыў, што вельмі любіць спорт: «Калі я кажу пра спорт — гэта не для прыгожага слоўца».
Лукашэнка расказаў, што ў свой час займаўся футболам, умее гуляць у валейбол і баскетбол. Хакейныя трэніроўкі ў прэзідэнцкім графіку значацца тры разы на тыдзень па дзве з паловай — тры гадзіны.
«Калі няма трэніроўкі, я ці бегаю, або дровы сяку, або ў тэніс з дзецьмі гуляю», — дадаў Аляксандр Лукашэнка.
Акрамя таго, сярод спартовых захапленняў кіраўніка дзяржавы ролікі і лыжаролеры, горныя лыжы, на якія, зрэшты, па словах кіраўніка дзяржавы, пасля аперацыі на калене ў гэтым годзе прыходзіцца станавіцца радзей.
-
Трэнер, які прывёў клуб да срэбра ў чэмпіянаце Беларусі, будзе трэніраваць каманду з пятага дывізіёна першынства Польшчы
-
Форвард мінскага «Дынама» Дылан Дзюбэ і яшчэ чатыры хакеісты прызнаныя невінаватымі па справе аб сэксуальным гвалце
-
Галоўны трэнер «Нёмана» выканаў дзіўны танец пасля перамогі ў матчы Лігі канферэнцый
Каментары