У Віцебску пенсіянерка вывабіла ў людзей больш за мільярд рублёў
У Віцебску ўпраўленнем Следчага камітэта завершана расследаванне крымінальнай справы ў дачыненні да 63-гадовай віцяблянкі, абвінавачванай махлярстве — пенсіянерка скрала ў даверлівых людзей больш за мільярд рублёў.
27 жніўня 2014 года ў выніку правядзення супрацоўнікамі Галоўнага ўпраўлення па барацьбе з арганізаванай злачыннасцю і карупцыяй МУС аператыўна-вышуковых мерапрыемстваў, пры атрыманні 40 мільёнаў рублёў была затрыманая жанчына, якая прадстаўлялася супрацоўніцай Фонду сацыяльнай абароны насельніцтва і прапаноўвала людзям, якія маюць патрэбу ў жытле, пабудаваць кватэры за 10 працэнтаў ад іх кошту.
У ходзе следства ўстаноўлена, што жыхарка Віцебска на працягу пяці гадоў прадстаўлялася службовай асобай, у чыю кампетэнцыю нібыта ўваходзіць разгляд пытанняў аб выдзяленні кватэр. Яна прапаноўвала садзейнічанне ў будаўніцтве жылля на выгадных умовах, выкананні ў кватэрах аздобных прац і афармленні неабходных дакументаў. Адначасова, асобным пацярпелым прапаноўвала ўяўную дапамогу, якая заключаецца ў перадачы грашовых сродкаў у якасці хабару службовым асобам, у чыю кампетэнцыю ўваходзіць разгляд пытанняў аб выдзяленні пакояў у інтэрнатах абласнога цэнтра.
За узятыя на сябе абавязацельствы, якія загадзя не мела намер выконваць, абвінавачаная брала ў пацярпелых грашовыя сродкі. Сумы вар'іраваліся ад 4 да 170 мільёнаў рублёў. Агульная шкода, прычыненая злачыннай дзейнасцю, склала больш за 1 мільярд рублёў, паведамляе афіцыйны прадстаўнік УСК па Віцебскай вобласці Іна Гарбачова.
На дадзены момант папярэдняе следства завершана. Па крымінальнай справе праведзены ўвесь комплекс неабходных следчых дзеянняў: дапытаныя шматлікія сведкі, пацярпелыя, праведзены ператрусы і вочныя стаўкі. Акрамя таго на маёмасць абвінавачванай на суму больш за 1,3 мільярда рублёў накладзены арышт.
Дзеянні абвінавачванай канчаткова кваліфікаваныя следствам па прыкметах складаў злачынстваў, прадугледжаных ч.1 арт.14 ч.4 арт.209 (замах на махлярства, здзейсненае паўторна ў асабліва буйным памеры), ч.5 арт.16 ч.2 арт.431 (падбухторванне да дачы хабару, здзейсненае паўторна ў буйным памеры) КК.
У ходзе следства асобная ўвага надавалася вывучэнню асобы абвінавачанай. Жанчына раней была неаднаразова судзімая за здзяйсненне аналагічных злачынстваў, лёгка ўваходзіла ў давер да грамадзян і схіляла да сябе пацярпелых. Ад злачынных дзеянняў абвінавачванай пацярпелі больш за 30 чалавек, якія маюць розны сацыяльны статус і ўзрост.
З моманту затрымання па цяперашні час пенсіянерка ўтрымліваецца пад вартай. Крымінальная справа накіраваная ў суд.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары