У Камянецкім раёне трое ў масках уварваліся праз незачыненыя дзверы ў дом і скралі 7 тыс. даляраў
Позна увечары 28 красавіка трое мужчын у масках праз незачыненыя дзверы ўварваліся ў прыватны дом у вёсцы Грудавікі (Камянецкі раён), збілі гаспадыню металічным прутом, выкралі 7 тыс. даляраў і з'ехалі на аўтамабілі.
Пацярпелая неадкладна звярнулася ў міліцыю. Праваахоўнікі ўвялі план «Перахоп». «У ходзе яго рэалізацыі ўстаноўлена, што разбой здзейснілі непрацуючы, раней судзімы за рабаванне жыхар Жабінкі 1978 нараджэння і непрацуючыя жыхары Брэста 1975 і 1962 гадоў нараджэння», — паведамілі ва УУС Брэсцкага аблвыканкама.
Падазраваных затрымалі. Выкрадзенае канфіскавалі.
Узбуджана крымінальная справа па ч. 2 арт. 207 КК РБ (разбой, здзейснены з пранікненнем у жыллё, альбо паўторна, або групай асоб, або з мэтай завалодання маёмасцю ў буйным памеры). За такое злачынства прадугледжана пазбаўленне волі на тэрмін ад 6 да 15 гадоў з канфіскацыяй маёмасці.
Цяпер чытаюць
Што вядома пра затрыманых радыёаматараў, якім пагражае аж да расстрэлу8
Каментары