На красавік гэтага года запасы гатовай прадукцыі на складах арганізацый прамысловасці выраслі на 179,9 млрд рублёў і на 1 мая склалі 39,1 трлн рублёў, паведамілі ў Белстаце.
Суадносіны запасаў гатовай прадукцыі і сярэднямесячнага аб'ёму вытворчасці на 1 мая 2015 года склалі 84,6% супраць 83,9% на 1 красавіка 2015 года.
Найбольшая ўдзельная вага ў запасах гатовай прадукцыі Беларусі займае прадукцыя арганізацый па вытворчасці машын і абсталявання (23,4%), вытворчасці харчовых прадуктаў, уключаючы напоі, і тытуню (20,8%) і вытворчасці транспартных сродкаў і абсталявання (11,3%).
У горназдабыўной прамысловасці суадносіны запасаў гатовай прадукцыі і сярэднямесячнага аб'ёму вытворчасці склалі 19,9% (на 1 мая 2014 года — 14,6%), у апрацоўчай — 100,6% (96,8%), у тым ліку ў харчовай прамысловасці — 76,9% (71,5%), дрэваапрацоўчай галіне — 174,4% (98,7%), цэлюлозна-папяровай галіне і выдавецкай дзейнасці — 99,8% (84,9%).
У металургічнай вытворчасці гэты паказчык на 1 мая склаў 50,6% (59,1%), у вытворчасці электраабсталявання, электроннага і аптычнага абсталявання — 132,1% (130,5%), транспартных сродкаў і абсталявання — 300% (178,7%).
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары