АНЛАЙН з Палінай Прысмаковай, беларускай, якая абараніла PhD у Маямі
Паліна Прысмакова — беларуска, якая жыве ў Маямі (ЗША), сакратарка Беларуска-амерыканскага задзіночання у паўднёвай Фларыдзе. Паліна нарадзілася ў Мінску, вучылася ў Коласаўскім ліцэі (дарэчы, аднагрупніца Франака Вячоркі).
Ва ўніверсітэце яна адвучылася ў Польшчы. У Беластоку вывучала міжнародныя адносіны ды культуралогію, атрымала ступень магістра па еўрапеістыцы.
Пасля працягвала навучанне ў Патсдаме (Германія), Нью-Ёрку ды Маямі (ЗША). Яе спецыялізацыя — чалавечыя рэсурсы, матывацыя працы ў дзяржаўных і няўрадавых арганізацыях, а таксама адносіны Беларусі з Кітаем (кітайскія экспартныя крэдыты).
Супрацоўнічала з Радыё Рацыяй, Белсатам ды аналітычным часопісам Belarus Digest.
Сёлета, акурат перад Днём Волі, Паліна абараніла кандыдацкую дысертацыю (PhD) па дзяржаўным кіраванні ў Міжнародным універсітэце Фларыды. Паліна вывучала матывацыю працаўнікоў дзяржаўных і няўрадавых арганізацый у Беларусі і Польшчы. Цяпер яна працуе выкладчыкам у Фларыдскім Атлантычным універсітэце.
«Я не лічу сябе эмігранткай, у мяне беларускі пашпарт», — кажа Паліна. Проста так сталася, што спачатку вучоба, а зараз і праца знаходзяцца за мяжой.
У студыі «НН» Паліна Прысмакова адказвае на пытанні журналістаў і чытачоў. Пакідайце пытанні ў каментах пад артыкулам.
Каментары